Transcription
B.L.E.D
M.I.K.I
Ye ! É !
Nu lib ! Nu lib ! Nu lib !
Le zansèt an mwen sòti la i ni dyaman
Le zansèt an mwen leve la i ni lò
Yo prezèwve nati la pas yo te savan
E tèknoloji yo te ja ni le kyò
Kolon n'fòse yo bake a bò
Koran e bib mete yo an bab
Lè yo teka pratike tradisyon ansèstral a yo
Zanmi, yo te yenki fò !
Fyè e fò yo fè efò !
Yo fè zafè pu yo pa mò !
Rive si pò, fòse gade beke konfonn mawshandiz e kò
Beke mawshandize kò !
Yo fè yo endamnize pa leta
Lè on mun ka di mwen se fwanse
Sa ka mèt mwen adan vye leta
Me an po'o ka shire paspò
Pu lenstan an la ka pwofite
Se ju la sa an ka kojite
Si ki jan yo rive monte on komite
Pu komemorasyon lèsklavaj
Alòs ki se yo ki te dèyè sa
De lè sa ka fu mwen la raj
Twòp ti jèn Gwada ni beretta
Twòp ti jèn Gwada ni beretta !
Le vre kupab paka pri an sa !
Se nèg i ka pri ankò on fwa !
Malgre sa nu paka pèd fwa !
Lè la rive, alè nu eveye
Solèy la ka klere, melanin aktive
Adn pa fasil a siprime, nu ilimine pa elimine !
Menm Elmina teren la te mine
Me nu ilimine, pa elimine !
Illuminati bizwen domine
Me nu ilimene, pa elimine !
Lamine nu yo bizwen lamine
Me nu ilimene, pa elimine !
Si ni sa i tuju ni shenn an tèt
Se pas kolon di yo se die ki mèt
Me, alè nu sonje Kemet
Te ni pwa adan kal a bato la
Te ni pwa asi do la
Te ni plim asi pwa la
An mèt lank asi plim
Avan libète tini dulè
Pu fèt, an fè manman sufè !
Le zansèt an mwen sòti la i ni koltan
Le zansèt an mwen leve la i ni kobalt
Òwdinatè èvè pòwtab an nu
Rann nu konplis a konbyen krim vrèman imoral
Edf, bollore, engie e total
Sa yo fè kontinan an mwen sa two sal
"Glyphosate" èvè "shlordeconne" si "île" an mwen
Pu anpeshe le pèp konsome lokal
An plis i pani dlo potab
Si u malad zanmi pani lopital
Nu te vle devlope Gwada kare
Me yo ba travay la on fòwm èkzagonal
Fuck ledikasyon nasyonal
Yo fè nu shante "Charlemagne" an koral
Manti a yo yo mete-y a lekri
Me verite la i ke sòti a loral
Melanin ilimine pwisans ilimite
Kon Kimpa M'vita, Nanny, Nzinga u Nehanda Nyakasikana
Gugèle-y si-w pa konnèt
Pu shenn la rete an tèt, yo montre nu yenki trèt
Me nu ke "free" tut mun la kon Harriet Tubman !
Menm Elmina teren la te mine
Me nu ilimine, pa elimine !
Illuminati bizwen domine
Me nu ilimene, pa elimine !
Lamine nu yo bizwen lamine
Me nu ilimene, pa elimine !
I ja lè pu pete shenn an tèt
Reaktive tut fòs a le zansèt !
Sa ke fèt apa petèt !
Te ni pwa adan kal a bato la
Te ni pwa asi do la
Te ni plim asi pwa la
An mèt lank asi plim
Apre libète pani dulè
Solèy la ka klere tu lè !
Melanin ilimine pwisans ilimite
Kon Kimpa M'vita, Nanny, Nzinga u Nehanda Nyakasikana
Pu shenn la rete an tèt, yo montre nu yenki trèt
Me nu ke "free" tut mun la kon Harriet Tubman !